| 1 | |
HStAOrient5a: 30r Tīmūr Yıldırım Ḫānı alub ricʿat ėtdükde Sulṭān Meḥemmed // Amasya ʿaskeriyle Tīmūruñ ardından yėtişüb ceng ėdüb // niçe es̱qālin bıraqdurub babası Yıldırım Ḫānuñ meyyitin alıqomışdur. // Ammā bundan aqdem birāẕeri Emīr Süleymān sekiz yıl babası taḥtında [!] // oturmışdur baʿdehū āḫir birāẕeri Mūsā Çelebi Rūm‑ėlinde // pādişāh olub üç buçuq yıl salṭanet sürdi. // Semāvne oġlı qāżī‑ʿaskeri ve Mīḫāl‑oġlı Muḥammed Beg begler // begisi idi. Āḫir Sulṭān Meḥemmed üzerine ʿasker çeküb varduqda // cemīʿ begleri Sulṭān Meḥemmede gelüb bi‑l‑cümle Ṣamāqoda Mūsā Çelebi // ṭutılub Sulṭān Meḥemmede gelüb kārı tamām olur. Hemān // Semāvne-oġlına ayda biñ aqçe ʿulūfe ėdüb ʿıyāli ile // İzniqe sürdiler. Āḫir Semāvne-oġlına baʿżı eşrār‑i mütābeʿatı // ile sevdā‑yi salṭanet düşüb ḫāricīlik ėder. Pādişāh // adamlar gönderüb Zaġrada ṭutılub Sīrōzda pādişāha // getürüb çārsūda ṣalb ėderler fī sene 725. Müddet‑i // salṭanet sāl 7 [ve] māh 10. Sulṭān Murād‑i S̱ānī ibn Sulṭān Meḥemmed Ḫān: // vüzerāsı Ṣaruca Paşa Oruç Paşa İsḥaq Paşa Şihāb//üddīn Paşa ve ġayruhum. Bunuñ zamānında Düzmece Muṣṭafā peydā // oldı. Yıldırım Ḫānuñ Tīmūr cenginde żāyiʿ olan Muṣṭafā |